Ümumiyyətlə, bu müharibə bəlkə də Azərbaycan üçün belə bir nəticə qəbul edilməlidir: bizim əsas məsələmiz başqa döyüşlərdən bizim üçün sərfəli nəticələri gözləmək və hətta proqnozlaşdırmaq olmamalı, ölkəmizdə bizim üçün vacib nəticələr aşkar etmək və formalaşdırmaqdır. Yəni Azərbaycan üçün vacib olan Azərbaycandır və onunla məşğul olmaq lazımdır, beynəlxalq vəziyyət nə qədər gözlənilməz və mürəkkəbdirsə, Azərbaycanın daxili həyatını gücləndirmək bir o qədər zəruridir.

Ona görə də "Ukrayna müharibəsində bizim üçün ən sərfəli nəticə nədir?" sualının ümumi cavabı bəlkə də birdir: faydalı nəticə Azərbaycanın iqtisadi, siyasi və hərbi mənada imkanlarını inkişaf etdirməsi və bunu müvafiq strukturlara cəlb etmək bacarığıdır.

Bir şey göz qabağındadır: Ukrayna yanız öz ölkəsinin deyil, dünya nizamının problemini həll edir. Ukraynada yeni dünya nizamı, dünya təhlükəsizlik sisteminin yeni güc quruluşu formalaşır və bu məsələ təbii olaraq bütün dövlətləri, xüsusən də geosiyasi “seysmik” zonalarda yerləşən dövlətləri narahat edir. Qafqaz isə məlum olduğu kimi, təkcə coğrafiya və geoloji baxımdan deyil, həm də geosiyasi baxımdan seysmik zonadır. Ona görə də Ukraynada baş verən proseslər region üçün mümkün əməliyyat-taktiki risklərlə yanaşı, strateji problemləri də gündəmə gətirir. Lakin bu, praktiki olaraq tükənməz mövzudur, xüsusən də indiki geosiyasi turbulentlik şəraitində hansı məntiqi hadisələrin ardınca gedilə biləcəyi və bölücü xətlərin necə çəkilə biləcəyi qeyri-müəyyəndir.

Asif Cəfərov
Ordu.az